Harvard Cymraeg「ハーバードカムライグ」

llongyfarchiadau!!!

2009-06-08T22:18:00.007-04:00

mae RHYWUN yn graddio.
mae RHYWUN yn haeddu lly bob mymryn o wir longyfarchiadau a'r clodydd i gyd y galler eu pentyrru lan arni hi.

SO DA IAWN TIMOD-P-W-T!!!

heb os gwelir dy eisiau o gwmpas yr hen le (wel, gan y sawl sydd o gwmpas yr hen le i'w weld e), ond pob lwc iti a phob dynumiad da!

wack

2009-06-02T22:50:00.013-04:00

rhywbeth drawodd fi pwy ddiwrnod yw hyn, tra own i'n gorwedd yn y gwely yn pendroni pam wi'n lico ein gwely ni cymaint...

"mae 'na le ifi ymestyn ynddo fe," myntwn i.

ond dyma fi wedyn yn trio llunio brawddeg debyg yn gymraeg canol - a phryd 'ny y ces i 'nharo gyda'r fricsen gystrawennol 'ma, achos wi'n hanner credu y byddai modd sgrifennu hyn:
"y mae lle ym Y ymestyn yndaw ef"

Y! fan 'na? ...falle?

...rîli?

p'un ai fi ai cymraeg canol sy'n wack, tybed?

2009-03-08T22:08:00.002-04:00

Mae'r tymor yn mynd ymlaen. Rydw i'n mynd i California gyda Matthieu, Aled, a llawer iawn o bobl o'r adran -- dydw i ddim wedi ysgrifennu fy ysgrif eto, ond mae syniad da gyda fi am yr hyn a rydw i'n mynd i'w ddweud. Rydw i'n mynd i siarad am y baledi Albanaidd (yn Saesneg) sydd wedi mynd i Aeleg yr Alban. Mae'n ddiddorol iawn imi, ond dydw i ddim yn siwr fy mod i eisiau siarad amdanofe o flaen llawer o bobl. Wel, does dim dewis gyda fi nawr -- a rydw i'n siwr y bydd ef yn iawn. Byddaf i'n hapusach pan fyddaf i *yn* California.

Yn Somerville, mae penwythnos braf wedi dod a gadael. Ddoe, cerddais i i'r Cambridgeside Galleria gyda Matthieu -- roedden ni eisiau prynu peiriant DVD, ond doedd dim hyd yn oed un heb farth/"parth 0" (regionless?). Ond roedd ef yn neis iawn - cawson ni goffi mewn caffi, gwnaethon ni Sudoku yn y papur newydd, a roedd ef yn neis iawn bod i ffwrdd o fywyd Harvard.

Pam fod eira'n wyn ...

2009-03-01T17:48:00.005-05:00

Mae'n bwrw eira!!

Achos fy mod i'n dod o Virginia, dw i'n hoff iawn o eira. Pan roeddwn i'n ferch fach, byddai'r ysgol yn cau o achos fodfedd o eira -- byddwn i'n chwarae yn yr eira gyda'r cwn, ac yn yfed siocled poeth o flaen y tân. Mae'n rhyfedd imi o hyd pan mae'r cyrsiau a phopeth yn mynd ymlaen jyst fel arfer fan hyn.

Mae'n braf nawr, ond clywais i bod *troedfedd* o eira yn dod cyn yfory. Wow. Dw i ddim eisiau gwneud unrhyw beth pan mae'r tywydd fel hyn (well, mae'n debyg nad ydw i eisiau gwneud gwaith cartref mewn unrhyw dywydd, ond mae'n arbennig o anodd ar ddyddiau fel heddiw) -- dw i eisiau gwau ac yfed siocled a chysgu o dan orchudd trwm o flancedi.

2009-02-22T19:26:00.004-05:00

Dw i wedi blino. Dw i wedi blino ers pythefnos. Dw i ddim yn siwr pam – mae fy nghyrsiau’n wych, a dydy fy ngwaith ddim yn anodd iawn. Mae lot o waith ’da fi, ond dydy e ddim yn rhy anodd. Mae’n od.

Mae’r pen-wythnos wedi bod yn dawel. Ddoe, es i i dŷ Tina, a lliwion ni wlân. Roedd e'n wych. Ac – mae ci a chath gyda hi, a dw i’n hapus iawn pan mae anifeiliaid o gwmpas. Heddiw, roedd "cylch gwau" bach iawn gyda ni – doedd dim ond Jennie, mi, a fy ffrind Carla, sydd ddim wedi dod i’r cylch cyn heddiw. Roedd hynny yn ardderchog – byddwn i’n hapus petasai fy ffrindiau i gyd (o’r Adran Geltaidd, o pan roeddwn i’n fyfyrwraig israddedig, o fy nghorau ...) yn cwrdd â'u gilydd. Mae fy ffrindiau'n wych – ydy ef yn rhyfedd fy mod i eisiau i bawb (y rhai sydd yn "cool," ta beth) ddod yn ffrindiau gyda'u gilydd?

Ych, mae rhaid imi fynd yn ôl i’r gwaith arall. Mae prawf Ffrangeg ’da fi yfory -- a dw i eisiau mynd yn ôl i’r ganolfan hamdden yn y bore, hefyd. Os af i i gysgu’n gynnar ... Aled, sut wyt ti'n dweud "as if!" yn Gymraeg?

Doniolwch...

2009-02-16T15:22:00.002-05:00

Wrth imi wylio ar hen rifynnau o ‘The Vicar of Dibley’ ddoe, roeddwn i’n meddwl imi fy hun am ba mor anodd yw hi i ffeindio rhaglenni teledu da erbyn hyn, yn arbennig yn America. Yn fy marn i, mae TVoD yn hollol ddigri, ac mae Dawn French yn actores ryfeddol (a Chymraes yw hi, hefyd!).

Rhaid imi ddweud nad ydw i wedi chwerthin mor galed ers amser, ond efallai na fyddwch chi’n cytuno gyda fi am fy asesiad o’r rhaglen yma. Mae’n anodd iawn imi wybod a ydy rhywbeth yn ddoniol achos ei bod hi’n ddoniol mewn gwirionedd neu jyst achos ei bod hi o dramor. Rydw i’n ffeindio fy mod i’n ymateb gydag emosyniau wedi eu gorliwio yn amlach pan rydw i’n gwylio ffilmiau a rhaglenni sy’ ddim yn Saesneg, efallai achos fod yr iaith yn anodd i ddeall…er enghraifft, rydw i’n meddwl fod jociau Rwsieg yn ddoniol iawn, ond mewn gwirionedd, mae’n debyg eu bod nhw’n dwp ofnadwy. Ddylai hi ddim fod fel ’na gyda rhaglenni teledu prydeinig, chi’mod? Ond rydw i’n becso fy mod i’n chwerthin am rywbeth sydd yn ‘sappy’ iawn ym marn y mwyafrif o Brydeinwyr, jyst achos fy mod i’n cael fy hudo gan yr acenion. Wel, beth ydych chi’n meddwl?

2009-02-16T00:51:00.005-05:00

Hi, bawb!

Aled, mae flin 'da fi fy mod i mor hwyr - dw i wedi bod yn ysgrifennu adolygiad llyfr heddiw, ac roedd ef yn ddiflas. Rydw i'n ysgrifennu am lyfr Gaeleg yr Alban, a dydw i ddim yn ei leicio ef - mae darnau sydd ddim yn gywir o gwbwl, ond dw i'n nabod yr awdur, a dw i'n ei leicio ef. Bleagh. Gwleidyddiaeth.

Ddoe, roeddwn i mewn cynhadledd trwy'r dydd -- roedd cynhadledd llên gwerin gyda ni. Roedd hi'n dda -- roeddwn i'n nabod llawr iawn o bobl, ond doedd y darlithoedd ddim yn wych.

Rydw i MOR HAPUS bod gwyliau gyda ni yfory. Mae rhaid imi ysgrifennu adroddiad yn Ffrangeg am Lydaweg -- ac wedyn, mi wnaf i gyflwyniad, 10 munud neu rywbeth (yr wythnos nesaf, 'dw i'n credu? dydw i ddim yn siwr -- uh-oh!). Ond yfory, gobeithio bod Matthieu a fi'n mynd i'r amgueddfa wyddoniaeth. Os bydd fy ngwaith cartref wedi gorffen!

Y Gyfnewidfa Lên a rhai pobl rhyfedd

2009-02-10T21:19:00.011-05:00

Am fod gen i gysylltiad o bell â materion llenyddol Cymraeg rwy'n derbyn ambell i gylchlythyr gan rai cyrff, a'r Gyfnewidfa Lên yn eu plith. Corff yw'r Gyfnewidfa (née 'Llenyddiaeth Cymru Tramor') sy'n hybu cyfieithiadau o waith Cymraeg. Gwaith da, felly, a chlodwiw - da yw codi proffeil y Gymraeg.

Ddoe am ryw reswm aeth pethau'n boncyrs yn eu system ebostio pan halodd un fenyw fach ddiniwed neges atynt yn gofyn iddynt newid ei manylion postio. Aeth ei neges at bawb ar y rhestr bostio ac mi wylltiodd hynny rhai pobl llengar, diwylliedig ac academaidd.

Daeth negeseuon o bob cwr o'r byd i mewn yn cwyno, yn cecru, yn mynnu, yn hawlio. yn gwaeddu (ac ambell i un yn gofyn yn bolèit) am gael eu dileu o'r rhestr. (Gwn oherwydd daeth pob neges a gafodd ei hanfon at bawb ar y rhestr, sef rhyw gant i gyd, ond doedd gan neb o'r rhain y synnwyr i aros nes ei bod hi'n oriau gwaith y diwrnod wedyn, pan fyddai rhywun yn y Gyfnewidfa Lên yn dychwelyd i'r swyddfa).

Ond y peth gwaethaf am hyn i gyd oedd nad y 'spam' ynddo'i hun oedd yn gwylltio llawer o'r bobl diwylliedig, ieithyddol, llengar, academaidd hyn, ond y ffaith ofnadwy o hyll a chreulon ac annynol a ffasgaidd fod rhai o'r negeseuon hyn oedd yn cyrraedd eu hìnbocsys drwy gamgymeriad yn Gymraeg. Wele neges enghreifftiol gan Laura R. (wn i ddim pwy yw hi):

what on earth is this? i don't speak welsh.
unsubscribe me.
[...]

Ac un siomedig iawn a ddaeth gan Adriano V., darlithydd ym Mhrifysgol Aberystwyth:

"Dear executive director, Please remove me from your mailing list. Incidentally I very much doubt that this ‘Welsh’ approach does anything to win supporters."

Dyna'i dweud hi, felly, ym marn y Dr V., beth bynnag - os ydych chi am hybu'r Gymraeg, peidiwch da chwi â chymryd "Welsh approach" at y gwaith - mae'n bosibl felly y bydd pobl eraill yn gorfod dioddef ei gweld hi o bryd i'w gilydd! (Gobeithiwn nad yw'r Dr. V. sensitif, druan, yn gorfod gweld na chlywed gormod yn ei swydd fel darlithydd yn y coleg ger y lli).

2009-02-09T21:23:00.004-05:00

Sut mae, pawb! Maggie 'dw i -- 'dw i yng nghwrs Aled gydag Eric. Myfyrwraig 'dw i yn yr adran Geltaidd, yn y flwyddyn gyntaf. Roeddwn i'n byw gydag Asuka, Szczeb, a Matthieu, fy nghariad ('dw i'n byw gydag ef o hyd -- ond dydy ef ddim yn arfer postio fan hyn, 'dw i ddim yn deall pam!).

Mae fy nhymor yn brysur iawn. 'Dw i'n dysgu 6 iaith (4 cwrs yn ystod y dydd, a 2 eraill gyda'r nos): Cymraeg, Gwyddeleg, Ffrangeg, Cymraeg Canol, a hefyd Llydaweg ac iaith Gwlad yr Iâ. Mae un cwrs arall gyda fi y tymor hwn: llên gwerin Sgandinafaidd. Mae hynny'n wych -- roeddwn i'n nabod yr athrawes pan roeddwn i'n fyfyrwraig israddedig.

Oh, tipyn bach o newyddion! Mae Matthieu a fi'n cynnig am fod yn diwtoriaid preswyl yn neuaddau preswyl Harvard -- gobeithio y byddwn ni'n byw yn Nhŷ Eliot y flwyddyn nesaf! Ac mae Matthieu wedi addo imi y bydd cath gyda ni os byddwn ni'n byw mewn tŷ :)

Cyflwyniad

2009-02-08T21:43:00.006-05:00

Helô! Eric ydw i, ac rydw i wedi bod yn dysgu Cymraeg ers mis Medi (mae hyn yn swnio ychydig fel dechrau cyfarfod AA, on'd yw hi?). Rhag ofn eich bod chi'n gofyn pam dechreuis i ddysgu'r iaith, allaf i ddim meddwl am reswm gwell na chredu ei bod hi'n hardd iawn...ond nawr mae lot o resymau gyda fi i barhau.

Rydw i'n astudio hanes a gwleidyddiaeth Rwsia a'r hen Undeb Sofietaidd. Rydw i'n gofyn imi fy hun yn aml pam dewisais i'r maes yma, ond wedyn rydw i'n ffeindio rhywbeth fel hyn a chofio. Byddaf i'n ymladd y chwant i bostio storïau chwerthinllyd am Rwsia bob wythnos, er y bydd yn anodd iawn i'w wneud...

Cau Ysgol Mynyddcerrig

2009-01-25T02:43:00.002-05:00

Fel y gwyddoch, mae'n siwr, mae tipyn o ddadlau yng Nghymru ar hyn o bryd ynghylch polisiau nifer o gynghorau sir i gau ysgolion llai. Er fod dadleuon da weithiau dros symud plant i ysgolion mwy does dim amheuaeth nad yw'n benderfyniad sy'n tynnu'n groes i sawl greddf. Mae hefyd dadleuon da iawn dros eu cadw ar agor. Dyma ffilm gan Lleucu Meinir yn dangos dyddiau olaf ysgol Mynyddcerrig.

Dunkin' Like Dewi - Dathliadau difyr ar Ddydd Gwyl Dewi eleni.

2009-01-18T13:59:00.004-05:00

Ar Ddydd Gwyl Dewi eleni bydd nifer o bobl yn Lloegr Newydd yn dilyn hen arferion y seintiau Celtaidd, gan weddio yn nwr oer y môr. Dyma grwp bach yn gwneud "dry run" ddoe ^^.

Tawelwch

2009-01-10T16:40:00.005-05:00

Newydd weld y llun yma ar wefan Barn a meddwl - diawch, rwy' eisiau postio honno yn rhywle! Dyma ni, felly. Mae gwefan HarvardCymraeg wedi bod yn mwynhau trwmgwsg gaeafol ers tro - ac arni angen ychydig o baent!

Ar drywydd tawelwch tristach, cofiwn heddiw T. Llew Jones, a fu farw yn 93. Heddwch iddo a diolch.

pwy sy'n nabod eu html?

2008-11-09T09:22:00.004-05:00

hei, oes rhywun yma yn ddigon clyfar i allu addasu cyngor zoë aderyn cân dro yn ôl er mwyn inni newid y dyddiadau ar y blog 'ma yn gynllun cymraeg?

byddai hyn'na'n wych downtsia-thinc? (er 'mod i'n eitha' hoff o'r rhai japaneg, ffrangeg a phwyleg!)

Cymrodorion Boston / Boston Cymrodorion

2008-11-05T17:39:00.006-05:00

Gwefan newydd gan y Cymrodorion yn Boston, cymdeithas sy'n bodoli ers dros ganrif, ac y byddai yn sicr yn falch o glywed gan aelodau newydd:

Cymrodorion Boston / Boston Cymrodorion

"Cymrodorion" neu "Cymmrodorion"... dyma gwestiwn arall!

Dolen ddoniol

2008-09-19T17:37:00.002-04:00

Ydy rhywun wedi weld y dudalen 'ma?

YMA

Rwy i'n meddwl taw prosiect hwyl yw ef. Gwelais i'r 'dolen' ar yr Adroddiad Drudge.

Buchedd Martin Sant

2008-09-19T11:18:00.029-04:00

o glicio ar y llun uchod, ymddengys testun maint llawn mewn ail ffenestr. fel arall, cewch fynd at y ffynhonnell:
Llyfrgell Genedlaethol Cymru. "Llawysgrif Gutun Owain (LlGC 3026C), t. 37." Llyfrgell Genedlaethol Cymru, http://digidol.llgc.org.uk/METS/Gut00001/frames?div=41&subdiv=0&locale=cy&mode=reference
y llyfrgell piau'r hawlfraint, wrth reswm.

BIG NEWYDDION

2008-08-29T22:23:00.003-04:00

mae modd chwarae'r gêm mabinogi am ddim!!!

Hapusrwydd heb lofft.

2008-08-14T21:35:00.013-04:00

Dolen arall werth ei dilyn yw Y Tŷ Cymreig - cyfres o raglenni ar bensaerniaeth sy'n haeddu cael ei hadnabod yn glasur am wn i.

Y rhaglen ddiweddaraf (ac ewch ati i wylio'n syth bin - ni fydd ar gael yn hir) - yw 'Y Byngalo'. Testun od, efallai - nid yw byngalôs fel arfer ymhlith yr enghreifftiau amlycaf o bensaerniaeth ardderchog, ond yn ddiweddar bu double-act Greg Stevenson ac Aled Samuel (yn y llun) yn goleuo sawl cornel mwy annisgwyl o fyd brics a meini Cymru.

Nid y tai yn unig sy'n ddiddorol yn y rhaglenni hyn, ond yn aml hefyd y bobl sy'n byw ynddynt - co'r boi cyntaf i gael ei gyfweld mewn byngalô: bardd barfol os buo 'na un erioed, a hwn yn siarad math arbennig o wych o'r Gymraeg - sef Cymraeg hollol ramadegol gywir heb yr un iot o acen Gymreig! Gwych o beth, lliwgar, ecsentrig a ffantastig. (Cam neu chwech yn unig o Gymraeg hyfryd Greg Stevenson, sy'n cam-dreiglo bron cymaint â Meic Stevens wrth i'w homunculus o gyfieithydd-ar-y-pryd hynod dalentog weithio'n wyllt ym mherfedd ei ben).

Pobl byngalôs, mae'n debyg, yw pobl hapusaf Prydain... one-liner gorau'r gyfres efallai, gan Aled Laurel i Greg Hardy (er fod Stevenson ryw ychydig yn fwy amyneddgar gyda'i sidekick): "Mae grisiau felly'n gwneud pobl yn drist."

Ond cymerodd dipyn i wneud menyw arall yn hapus; eto, yn unol ag arferion gorau'r rhaglen, dyma agor y drysau ar 'slice-of-life' gwych ac emosiynol wrth i ferch y 'dolydd a'r mynyddoedd' ddisgrifio'r amser hir y cymerodd iddi addasu i fywyd mewn gofod unllawr heb yr un afon ar gyfyl y lle, ar ôl iddi orfod symud i byngalô gyda'i mham ar ôl "profedigaeth". Ac am fyngalô! Enghraifft arbennig o brin o fyngalô ychydig yn Art Deco, yn llawn celfi sy'n hollol gartrefol mewn tŷ o'r fath o'r 30au.

Ac yna byngalô gwych iawn o'r 60au - "shagpile go iawn" yng nghanol lolfa'n llawn o gelfi'r cyfnod; amgueddfa go iawn o gynlluniau'r cyfnod yn gymysg ag ambell i beth ychydig yn fwy traddodiadol.... "Lolfa" am y tro cynta' mae'n debyg, yn cymryd drosodd o'r "parlwr" am taw yn y cyfnod hwn y cafodd pobl y cyfle i 'lounge'o' am y tro cyntaf.

A dyma'r rhaglen yn gorffen gyda byngalô "ychydig yn well na byngalô" a gymerodd bum mlynedd i'w adeiladu - "gwers i bawb sydd eisiau adeiladu byngalô" yn ôl Dr Greg Stevenson, oherwydd y meddwl a'r cynllunio penigamp a aeth i mewn i'r prosiect ("Ty'n y Coed" Eryri), adeilad a ddechreuodd ei yrfa yn gaban gweithywr cyn ei ail-godi'n fyngalô, gan gadw ambell i nodwedd o'r hen adeilad.

Ie, ac mae sylwadau cloi'r Dr Stevenson yn berthnasol nid yn unig i'r math o dŷ a gafodd sylw yr wythnos hon, ond i'r gyfres drwyddi draw, cyfres â phersonoliaeth dawel ddiymhongar gelfydd.

"Mae'n nhw'n dai gonest iawn. Mae'n nhw'n dai hamddenol iawn. Ac maen nhw'n dai hapus iawn. Rwyt ti'n gallu teimlo'r hapusrwydd ym mhob un ohonyn nhw."

Yn y cach afiach, chaviach

2008-08-10T13:51:00.009-04:00

Mae'r blog 'ma wedi bod bach yn dawel yn ddiweddar... pawb bant yn mwynhau'r haul a'r cwrw ym mhedwar ban byd...

Gwn fod Kasi a Becky wedi bod yn mwynhau haul a chyffro'r Eisteddfod Ddinesig - wrth aros iddyn nhw ddod yn ôl, dod at eu coed a challio unwaith eto ar ôl gor-ddôs o gymreictod a threigladau meddwl, dyma flogiad da iawn i aros pryd.

O, ie - ac os ydych chi heb glywed Derwyddon Dr Gonzo, yna ewch ati da chi i wella'ch bywyd estheto-seinyddol drwy wneud hynny!

Heiya - mae blog "Bo" yn werth ei ddarllen. I'r rhai ohonoch sydd â chwant gwybod, neu â chwant cofio (neu â chwant codi ofn arnoch eich hun cyn camu i wersi yn y semestr newydd), mae ei orolwg o'r ferf Wyddeleg i'w weld nid yn unig yn gywir ond hefyd yn ffraeth.

Ac wrth sôn am flogiau pobl eraill, beth am hyn am syniad da - ceisio byw am fis heb blastig. Rydyn ni wedi cymryd cryn gamau fan hyn yn Boston St tuag at wneud y ty^ yn un di-fagiau plastig (drwy fynd â'n bagiau'n hunain bob tro i'r siop, sy' ddim yn rhy anodd, wedi'r cyfan) - ond mae'r her yma'n swnio'n un reit werth chweil.

Oes 'na rywun arall fyddai â chwant ymuno â mi i geisio? Beth am fyw am un mis yn ddi-wastraff (h.y. dim byd 'disposable' sydd ddim yn cael ei ail-gylchu'n llwyr, a dim defnydd di-angen o bethau gwirion megis cloriau ar gwpanau coffi... neu'r cwpanau eu hunain, wrth feddwl amdani) - fyddai hynny'n bosibl?

Ac ar y trywydd gwyrdd yma, i'r rhai ohonoch chi sy' heb ei weld hi, beth am tsiecio rhaglen newydd Ifor ap Glyn, Popeth yn Wyrdd - nid y peth gorau erioed, ond eto'n ddigon o hwyl ac mae egni ac asbri Ifor i'w rhyfeddu.

cwestiwn harfardaidd

2008-07-26T15:57:00.012-04:00

hei bawb, ga' i ofyn ichi gwestiwn hurt?
ffordd rwyt ti'n gwybod ydy'r brifysgol 'di rhoid gradd iti? sa' i'n gwybod ydw i 'di ennill gradd "masters" neu beidio.

rwy'n hanner cofio llenwi ffurflen gais y llynedd, ond mae'n debyg ifi wneud cawlach ohoni am na chlywais i ddim rhagor yn ei gylch. (rwy 'di treio chwilio am f'enw i ar y we rhag ofn y bydd rhaglen o ryw seremoni rywle yna.)

Ardderchog, ardderchog, ardderchog . . .

2008-07-09T17:39:00.003-04:00

tipyn o "bropaganda dyneiddiol" am bawb . . . jyst gwyliwch a gwenwch . . . !!

: )

sorted am y tro

2008-07-04T20:45:00.001-04:00

llun hyfryd o fawrth - gw. uchod. ond gwneud awgrym gwell caiff e ei newid.

compter gaaames

2008-06-25T14:01:00.013-04:00

hei bawb,
ch'weld y "b" fach oren 'na ar ben y dudalen hon? yr un sy'n dod jest o flaen cyfeiriad y blog yn y blwch hirsgwar yn y toolbar?

ie, 'na hi. mae'n rhaid cael gwared arni. (cerwch i'm blog i i weld yr effaith.)

yr unig gwestiwn yw: "beth i'w roi yna yn ei lle?" (rhaid dewis rhyw lun a fydd yn edrych yn ocê yn fach fach - rhywbeth ac ychydig iawn o fanylion iddo.)

dolen - puss and pup

2008-06-23T22:02:00.002-04:00

dyma un o'm hoff bethau i ar y we ar hyn o bryd:
tales of puss and pup

pam? achos rwy'n leicio'r lluniau, rwy'n dwlu ar y teitl, ac mae'r llun o'r awdur yn wych.
(paid â boddran edrych arno os oes gennyt rywbeth pwysig i'w wneud, neu ei di'n grac am 'mhen i mae'n siwr.)

hedfan i gymru!

2008-06-17T13:58:00.004-04:00

newydd glywed bod kasi a becky yn cael gwneud cyrsiau iaith yng nghymru dros yr haf i ddod. mae hyn mor wych, ac rwy mor falch bod hyn yn bosibl i'r ddwy ohonoch chi!

ychydig o fanylion plîs! e.e. ble? aros mewn coleg neu beth? ych chi'ch dwy'n mynd i'r un lle? ac am faint o amser?

Pethau rhyfedd :)

2008-06-09T17:32:00.002-04:00

Sut mae, pawb! Dw i'n gobeithio eich bod chi 'n iawn :) Aled, yn ni 'n dy golli di! Mae 'r tŷ yn teimlo yn wag iawn hebddot ti.

Roeddwn i eisiau dweud wrthoch chi ein bod ni wedi bod yn gwrando ar Mim Twm Llai (O'r Sbensh) yn y siop erbyn hyn, a mae 'r merched yn mwynhau ef. Fi hefyd! :)

Esgusodwch fi - mae fy nghymraeg i wedi dod yn warthus. You wouldn't have understood this if Matthieu weren't around to proofread. Bleagh! Dw i'n gobeithio y daw ef yn ôl.

"Philologist"

2008-06-03T20:10:00.003-04:00

Dwi'n darllen "Lavengro" (1851) gan George Borrow, awdur o "Wild Wales"). Mae'n wych! Gwrandewch:

"A strange language that!" said a young officer to my father, "I don't understand a word of it; what can it be?"

"Irish," said my father, with a loud voice, "and a bad language it is; I have known it of old, that is, I have often heard it spoken when I was a guardsman in London. There's one part of London where all the Irish live -- at least all the worst of them -- and there they hatch their villanies and speak this tongue; it is that which keeps them together and makes them dangerous. I was once sent there to seize a couple of deserters -- Irish -- who had taken refuge among their companions; we found them in what was in my time called a ken, that is, a house where only thieves and desperadoes are to be found. Knowing on what kind of business I was bound, I had taken with me a sergeant's party; it was well I did so. We found the deserters in a large room, with at least thirty ruffians, horrid looking fellows, seated about a long table, drinking, swearing, and talking Irish. Ah! We had a tough battle, I remember; the two fellows did nothing, but sat still, thinking it best to be quiet; but the rest, with an ubbubboo, like the blowing up of a powder magazine, sprang up, brandishing their sticks; for these fellows always carry sticks with them, even to bed, and not unfrequently spring up in their sleep, striking left and right."

"And did you take the deserters?" said the officer.

"Yes," said my father; "for we formed at the end of the room, and charged with fixed bayonets, which compelled the others to yield notwithstanding their numbers; but the worst was when we got out into the street; the whole district had become alarmed, and hundreds came pouring down upon us -- men, women, and children. Women, did I say! -- they looked fiends, half naked, with their hair hanging down over their bosoms; they tore up the very pavement to hurl at us, sticks rang about our ears, stones, and Irish -- I liked the Irish worst of all, it sounded so horrid, especially as I did not understand it. It's a bad language."

"A queer tongue," said I, "I wonder if I could learn it?"

(Wrth gwrs, dysgodd George Wyddeleg a Chymraeg hefyd. Dwi'n rili rili mwynhau'r llyfr 'ma!)

anrheg lwyddiannus

2008-06-03T07:16:00.003-04:00

prynais i grys rygbi cymru wythnos yn ôl i'w hala'n anrheg at fy nai dwy oed yn awstralia, ac rwy newydd glywed fod e'n dwlu arno. sa' i 'di gweld dim lluniau 'to - ond bydda' i'n fodlon eu hebostio nhw at bawb a ofynniff pan wna' i. rwy'n siwr y byddan nhw'n annwyl iawn.

roedd y crys 'ma bach yn fawr, mae'n ymddangos, sy ddim yn beth drwg - efallai y gwneiff e bara'r gaeaf. ac roedd gan ei chwaer hŷn (chwech oed) esboniad am hyn'na:
"that's because the welsh are very large people. not like the french, you know."

Radiohead v. Prince

2008-05-30T23:01:00.004-04:00

dwi jyst wedi darllen hwn am y fideo Prince o Coachella. Mae'n ddiddorol yn wir!!

trysorau

2008-05-23T15:03:00.009-04:00

bues i yng gaerdydd heddi, a chael amser gwych - am ddinas! siopa yn y dref, te mawr ym madhav's yng ganton. prynais i gwpwl o bethau cŵl yn y siop lyfrau cab@n ym mhontcanna, gan gynnwys copi o y treigladau a'u cystrawen gan t. j. morgan, a'r ddau hen lyfr glas a melyn am idiomau cymraeg gan r. e. jones sy 'di tynnu fy sylw i sawl gwaith yn y gorffennol!

Gwên

2008-05-18T22:01:00.001-04:00

Ar nodyn hapusach, a minnau wedi dod yn ôl o wythnos o grwydro...

Pen-blwydd hapus, 'Suk!!!

diolch, persephone

2008-05-18T07:33:00.007-04:00

rwy newydd hala rhywfaint at yr achos.
'sdim llawer o arian sbâr 'da ni, ac rwyf fi'n berson hunanol ofnadwy fel rheol, felly os galla' i roi rhywbeth, geill unrhyw un.

Ein daeargryn Sichuan ni

2008-05-16T20:36:00.021-04:00

Heddiw, ro'n i'n cerdded heibio'r Canolfan Gwyddoniaeth, pan sylwais i ddyn Tsieineaidd ifanc tal yn sefyll yn y glaw ysgafn. Roedd y sylwadau ganddo yn ei llaw, ond pawb yn brysio ar eu ffyrdd heb olwg. Welais i fod y dyn yn crio.

Dyn o "Harvard Chinese Students and Scholars Association" oedd e, a roedd e'n gofyn am gyfraniadau o arian ar gyfer dioddefwyr daeargryn Sichuan. Ro'n i jyst wedi gwrando ar stori drist ar NPR (RHYBUDD - y stori hon yn drasig iawn iawn. Byddi di'n crio. Ond rhaid i fi ddweud, mae'r newiddiaduriaeth yma'n wych.) Rhoddais i gymaint â phosibl iddo - roddais i ddim llawer o arian neu gymorth, dwi'n ofni, ond rhywbeth o leiaf.

Os oes diddordeb gyda unrhyw un â rhoi rhywbeth i Red Cross, 'dych chi'n gallu gwneud hynny ar y safl 'ma.

Dwi'n teimlo mor drist am y bobl o Tseina heno. . .

. . . ac am y bobl o Myanmar hefyd.

"darth vader ydw i heno!"

2008-05-12T16:40:00.012-04:00

rwy'n siwr taw y fi yw'r person ola' yn y byd i glywed am hyn. ond mae'n dal yn wych, felly dyma'r fideo a dyma'r stori yn y gymraeg jest rhag ofn.
mae'n dangos pa mor beryglus gall fod chwarae â lightsabers yn yr ardd. os oes unrhyw un yn nabod unrhyw un sy'n gwneud hynny, rhowch chi wybod iddyn nhw!

hei, mae'r holl beth yn gwneud synnwyr mewn ffordd. yn yr hen ddyddiau, roedd ynys môn yn ganolfan i'r derwyddon, on'd oedd? felly mae'n debyg bod yr ynys fel planed dagobah yn the empire strikes back erioed, planed yoda lle mae rhaid i jedis wynebu eu hofnau mwyaf. (darth vader cymraeg yn yr achos hwn, mae'n ymddangos.)

Un Nos Hwyr

2008-05-12T16:34:00.002-04:00

Nos diwethaf, roeddwn i ar y ffordd i fy ngwely, pan ffoniodd fy ffrind i mi. Roedd problemau gydag ef penderfynu gyda pwy ddylai ef rhannu ystafell y flwyddyn nesaf. Rhaid imi fynd i’w ystafell a chlywed am ei problemau am ddau o’r gloch yn y bore. Roeddwn i’n hapus ei gynorthwyo, ond nawr rydw i wedi blino!

rhywbeth newydd

2008-05-11T05:07:00.022-04:00

annwl gyfeillion,
mi welwch chi rywbeth newydd ar ochr dde y blog heddiw: blwch yn hysbysebu neges gyntaf fy mlog cymraeg personol i (ie, blog newydd fi! fi! fi!).
bydda' i'n parhau i ysgrifennu fan hyn, wrth gwrs, am 'mod i'n ffan mawr o gyd-flogio, ac rwy'n credu bod y blog hwn yn ffordd wych o fagu cymuned gymraeg ymysg myfyrwyr harvard - bywyd hir i harvard cymraeg!
drwy'r ffrwd ("feed") ar y blog 'ma, rwy'n treio cadw rhyw gysylltiad arbennig rhwng y ddau flog: bydd hi'n hawdd i bawb fan hyn weld beth sy'n digwydd ar 'mlog i, a mynd i'w ddarllen os byddan nhw eisiau. ac os bydd blogiau cymraeg gydag aelodau eraill harvard cymraeg, gobeithio y byddan nhw'n fodlon gwneud yr un peth - ffordd o gadw mewn cysylltiad pan fyddwn ni'n gwneud ein pethau ein hunain.
hei, os dewch chi draw i ymweld â'r blog arall, mi gewch chi groeso cynnes!

ydych chi 'di gweld hwn?

2008-05-08T09:26:00.004-04:00

ydych chi 'di gweld yr hen flog THIS IS FUN TO MAKE A BLOG ON THE COMPUTER WEBSITE? mae'r stori yn wych os gellwch chi ei dilyn o'r dechrau hyd at y diwedd.
ac fel y mae persephonia newydd sôn wrthyf mewn ebost, mae rhai o'r sylwadau'n ddifyr 'fyd.

Gwerful a Gwaith

2008-05-06T12:17:00.003-04:00

O annwyl... Allaf i ddweud hynny yng Nghymraeg? Wel, dw i'n meddwl... o annwyl! Dydy fy mhrosiect Gwerful Mechain ddim yn mynd yn dda. Wel, mae llawer o wybodaeth 'da fi am ei gwaith, ac ei bywyd, ac dw i wedi cyfieithu ei cherdd 'I ateb Ieuan Dyfi am gywydd Anni Goch', ond mae gormod o waith 'da fi eto. Rhoddais i bapur am Werful yn fy seminar Saesneg ddoe, ac aeth e'n dda. Cwrddais i a^ fy athro y bore 'ma, a dywedodd ef: "Mae llawer o waith i wneud 'da chi!" Dywed imi rywbeth nad ydw i'n gwybod. Ac, does dim ond un wythnos i ysgrifennu 40 tudalen 'da fi!!! Byddaf i'n dweud eto: O annwyl...

pa ffilm i gael y driniaeth?

2008-05-04T11:45:00.049-04:00

rwy wir o'r farn bod y syniad 'ma o is-deitlo ffilm yn gymraeg gyda'n gilydd yn un gwych. gwerth ei drafod yn rhagor bendant - hyd yn oed er na fydd amser 'da'r un ohonon ni ar hyn o bryd i ddechrau ar y fath brosiect, gallai fod yn ffordd ddelfrydol o'n hatal ni rhag anghofio'n cymraeg i gyd dros yr haf i ddod.
rhaid imi ddiolchi i rhys wynne am roi gwybod am y wefan is-deitlo dotSUB.com. rwy bellach wedi edrych drosti hi ac ydy, mae ddi fel 'sai hi'n dda iawn - mae'n ddigon hawdd ei defnyddio, ac rwy'n casglu bod iddi ryw declyn wici 'fyd er mwyn y sawl sy'n gweithio ar y cyd. i'r dim, mi wedwn! ^^
beth rych chi i gyd yn ei feddwl o'r cynllun 'ma, 'te?

ocê, os oes 'na rai yn ein plith ni sy'n leicio'r syniad cymaint â fi, man a man inni ddechrau sgwrs am ar ba ffilm y leicien ni weithio. mae'n bwysig dewis ffilm nad yw yn saesneg, ar wn i. nawr, rwy'n gwybod nad ŷn ni i gyd yn medru'r un ieithoedd â'i gilydd a bydd rhaid i rai/bawb ohonon ni ddibynnu ar is-deitlau saesneg wrth baratoi'r fersiwn cymraeg, waeth pa ffilm y byddwn ni'n ei dewis - sy ddim yn ddelfrydol wrth gwrs, ond mae e'n dal yn werth ei wneud yn 'nhŷb i.
so pa ffilm sydd i gael y driniaeth? rwy'n ysu am glywed awgrymiadau. fel y bydd pawb yn gwybod, rhyw leiciwn i dreio anime (hei, totoro drws nesa' - mae ganddi hawl i fodoli!) ond byddwn i'n fodlon taclo bron unrhyw beth.

... ar wahân i amélie, wrth gwrs.... ac rwy'n gwrthod gwneud dim byd gan federico fellini 'chwaith, gyda llaw... na wim wenders... nac alejandro jodorowski.
ond bron unrhyw beth arall, wir ichi!

Cerdd ar y cyd i ddathlu diwedd y semester

2008-05-01T17:27:00.004-04:00

Am fod pawb yn hapus, a'r haul yn tywynnu, a Kasi a Sarah yn cyfieithu caneuon ♪ ♫, beth am inni greu cerdd fach ein hunain (neu gân fach ♪ ♫ os yw'n well 'da chi)? Sdim angen iddi gynganeddu. Rydyn ni wedi creu limrigau yn y gorffennol, on'd do!

Dyma'r llinell gyntaf. Eich gwaith chi yw llunio llinell arall sy'n odli (ac sy'n cadw i ryw fath o rythm) ac yna gallwch chi, neu rywun arall, lunio'r llinell nesaf (ac yn y blaen).

"Mae'n ddiwedd y flwyddyn yn Harfard i ni"

Proffwydoliaethau a Gweledigaethau

2008-05-01T16:31:00.008-04:00

Efallai o achos fy mod i wedi bod yn darllen llawer o broffwydoliaethau a breuddwydion a gafodd eu ysgrifennu yn ystod yr Oesau Canol, mae fy mreuddwydion fy hunan wedi bod yn rhyfedd yr wythnos 'ma. Rydw i wedi breuddwydio bod fy nannedd yn torri a phydru, arwydd sy'n arwyddio y bydd fy mherthnasau oedrannus yn marw yn fuan yn ôl Artimedorus. (Yeics!!!) Wedyn breuddwydiais i fod trafferth gyda fi nes i flaidd mawr fy achub. Wrth gwrs rydw i wedi bod yn ymchwilio cân am "Chwe brenin sy'n dilyn John" sy'n galw Owain Glyn Dŵr "y Blaidd Gorllewinol." Mae'r breuddwydion hyn yn fy atgoffa o'r breuddwydion a freuddwydiais i pan oeddwn i'n ysgrifennu fy nhraethawd MA. Yn y breuddwydion hyn roedd Wulfstan, Escob Efrog, yn fy nguro wrth ddweud wrthaf i fy mod i'n mynd i'r Uffern! Roedd hynny'n rhyfedd iawn yn wir.

Sigh. Pryd mae'r gwyliau'n dechrau?

maryland

2008-05-01T11:20:00.006-04:00

bues i'n siopa yn LIDL heddi pan sylwais i ar becynnau o fisgedi siocled "maryland" ar werth. am 'mod i'n dod o maryland, down i'm yn gallu ymatal rhag prynu rhai i gael gyda 'nisgled. bisgedi maryland, chicken maryland, y fi - o maryland mae pob dim da'n dod.

Diwedd y Flwyddyn

2008-04-30T21:18:00.000-04:00

Yr wythnos olaf dosbarthiadau yw’r wythnos hon! (Ond mae’r dosbarth gyda ni yn Gymraeg yr wythnos nesaf.) Dechreuaiff yr arholiadau, ond rydw i’n hapus o achos rydw i’n leicio “reading period” o achos fy mod i’n gallu gweithio ar fy amserlen fy hun. Gaf i dreilio llawer o amser gyda fy ffrindiau a gallwn ni fynd tu allan o achos bod y tywydd yn hyfryd nawr.

calan mai

2008-04-30T19:27:00.008-04:00

dyddiad pwysig iawn i bob celtegydd.
a beth y dylai celtegwyr fod yn ei gofio ar galan mai? ymdrechion a gorchestion y mudiad llafur yng nghymru a thu hwnt dros y blynyddoedd! rwy'n credu i dafydd ap gwilym lunio cywydd ar y pwnc.

Dyfrwyr Dewi

2008-04-30T17:46:00.002-04:00

Pethau diddorol ar droed, a gweinidog o Salem yn bwriadu dathlu Dydd Gwyl Ddewi mewn ffordd wreiddiol iawn y flwyddyn nesaf:

http://stdavidsday.blogspot.com/

Cefnogaeth tec yn yr oesoedd canol

2008-04-30T10:48:00.004-04:00

Pob lwc gyda eich arholiadau chi!!! (Gobeithio fod y linc 'ma yn gweithio!)

Prince a Radiohead

2008-04-29T09:45:00.012-04:00

Rhaid i fi ddweud, dwi'n dwlu ar Radiohead a dwi'n mwynhau gwrando ar ddehongliadau newydd o'u caneuon. Ond dyma rhywbeth od: penwythnos diwethaf, roedd Prince yn chwarae yn sioe Coachello yn Indio, California. Fe benderfynnodd e chwarae fersiwn o gân Radiohead, "Creep," ond newidodd y gân adlwyrchol a digalon i mewn anthem "feel good." Mae'n rhyfedd iawn. Dwi ddim yn siwr sut dwi'n teimlo am hyn eto.

Dyma Prince:

A dyma Radiohead:

Beth dych chi'n meddwl?

llun codi calon

2008-04-28T13:34:00.007-04:00

annwyl bawb, rŷn ni i gyd fel 'sen ni'n streso mas yn sydyn bach. dyma inni felly lun lyfli - y llun pertaf own i'n gallu ei ffeindio - i godi ein calonnau ac i'n hatgoffa ni fod 'na bethau pwysicach yn y byd 'ma na pha beth bynnag a fo'n peri poen inni ar y foment... sef creaduriaid fflwffog yn hela madarch a chnau yn y goedwig!
mae mwg 'da ni yn y tŷ a'r un llun arno, a 'sdim mwg gwell ar gyfer codi gwên wrth yfed te ohono ben bore.

2008-04-27T22:29:00.002-04:00

wel, dydw i ddim yn gwybod beth gallwn i heno. rydw i wedi blino ar ysgrifennu am fod wedi blino:). rydw i angen gwyliau.

Blogio i'r Dosbarth

2008-04-27T21:18:00.002-04:00

Wel, mae Aled wedi ebostio: mae rhaid imi ysgrifennu pedair neges ar y blog. Dw i'n meddwl i amser ffoi ohono i. Dyna ni. Yr wythnos hon yw'r wythnos olaf o ddosbarthiadau. Allwn i ddim yn teimlo mwy hapus, ond mae gormod o waith 'da fi. Mae rhaid imi ymchwilio ac ysgrifennu dau (dau!) babur am Werful Mechain, gwraig a bardd yng Nghymru yn yr Oesoedd Canol. Achos hynny, oedd rhaid imi ddarllen llawer, llawer o baburau yng Nghymraeg (gan Marged Haycock, a Cheridwen Lloyd-Morgan, ac eraill). Mae'n dda i fy Nghymraeg, ond mae'n cymryd llawer o amser i gyfieithu. Dw i wedi blino.

Cofiwch: Dydd Sadwrn yw'r dyddiad at gynigion i HCC!!

bron yn enwog

2008-04-26T07:02:00.015-04:00

rwy newydd sylweddoli 'mod i'n dal heb weud wrthych chi am hyn, ond bron iawn ifi fod ar y teledu yma!
sut diwgyddod e? wel! dyna fi'n cerdded i lawr y brif stryd ar y ffordd i ALDI pan ddaeth criw ffilmio ataf fi - dyn camera, technegydd sain, cyfwelydd (ac iddo wallt cŵl iawn wrth gwrs), a rhyw bedwerydd person yn gwneud sa-i-'n-siwr-beth.
-esgusodwch fi, o'n i'n siarad cymraeg?
-o'n.
-beth oedd fy marn ynghylch anffyddlondeb ashley cole?
-hy? pwy?
-gŵr cheryl cole...? o girls aloud...?
roedd rhaid i fi esbonio 'mod i'n dod o awstralia a do'n i erioed 'di clywed am cheryl cole. a dyna felly 'ngobaith i gyd o fod ar y teledu yn diflannu i lawr y plyg.
... a chwestiwn am ddiwylliant pop hefyd! mae arna' i sut gymaint o gywilydd! nawr, 'sen nhw 'di fy holi i am grŵp o awstralia (fel girlfriend!) gallwn i fod wedi siarad am oriau... neu rywbeth am artistiaid rhyngwladol.

Y Bywyd yw Ef

2008-04-24T08:50:00.002-04:00

Rydw i wedi blino yn iawn yr wythnos hon, o achos mae llawer o waith gyda fi. Mae papurau a phrofion gyda fi. Rydw i’n gwybod bod bron i fy nosbarthiadau orffen, ond mae e’n anodd i gredu. Af i ddim yn aros am y diwedd o’r wythnos nesaf.

masgotiaid ar gyfer beijing 2008

2008-04-21T06:44:00.018-04:00

pwy arall sy'n meddwl bod 'na beth golwg seibermanaidd ar beibei yma? "watsiwch, doctor a jamie, mae beibei tu 'nôl ichi!"
mae'n well 'da fi nini (yn y gwyrdd) - bach yn fwy cyfeillgar.
anodd yw mynegi sut gymaint rwy'n edrych 'mlân at wylio'r gemau olympaidd.

Y Ras Hwylio

2008-04-20T16:38:00.001-04:00

Yr wythnos hon, roeddwn yn ras hwylio. Cystadlais am y tîm hwylio o Harvard. Roeddwn yn yr ail cwch (y cwch gwaeth). Ennillon ddim, ond ces hwyl mwyaf o’r amser. Ond gwnes gamgymeriad a wnaeth fy “skipper” yn grac yn iawn! Ond roedd e’n dal yn brofiad da imi.

celfyddyd ascii

2008-04-18T11:56:00.008-04:00

gwnaeth gwenoglun diweddar emma reese f'atgoffa i am holl fyd rhagorol 'na celfyddyd ascii. sa' i'n credu 'mod i'n gweld cymaint ohoni o gwmpas ag rown i'n arfer. ydy'r grefft yn marw? drueni os felly. hei, oes hoff enghreifftiau o gelfyddyd ascii 'da chi? os oes, ar y blog â nhw! dyma ichi un o'm rhai i, llun o dri thotoro (creaduriaid mas o ffilm) - eitha' syml, ond effeithiol 'ta waeth am hynny ar wn i.

(nawr 'te, beth yw lluosog totoro? fe'i llunir ar batrwm niwtrino, siwr iawn... beth bynnag fo hwnnw!)

Byd Eang o Wleidyddiaeth Iaith

2008-04-17T23:32:00.006-04:00

Roedd aflonyddwch gwladol mawr yn Ffrainc yr wythnos hon. Oedd streiciau yn y strydoedd? Oedd trais hiliol yn y faestrefi? Nag oedd. Mae ofn arnaf i bod y problem yn ddifrifolach. Mae'r caes Ffrengig i Eurovision eleni yn cael ei ganu...yn Saesneg! Mae'r pobl arferol yn llawn cynnwrf. Ydy arwydd bod y Ffrangeg yn colli ei phwysigrwydd fel iaith ryngwladol? Wn i ddim, ond rydw i'n meddwl y dylai M. Myard boeni am ddwli y cân.

A dweud y gwir, rydw i'n eithaf hoff o'r cân er ei bod yn ffôl. Er hynny, ydy'r fideo yn eich atgoffa chi o gaes Eurovision Fathers Ted a Dougal ar ran Iwerddon? Efallai fy mod i'n ei leicio o achos y rheswm 'ma?

gwanwyn

2008-04-16T15:26:00.015-04:00

falle bod gwanwyn ar y ffordd o'r diwedd. ddyweda' i ddim iddi beidio â bwrw dim cesair o gwbwl dros y sul - ond llai na'r arfer bendant!
shwt mae ddi lle rych chi i gyd, gyfeillion?

Y Mileniwm... eto!

2008-04-14T17:43:00.009-04:00

Rydyn ni wedi cyrraedd (a mynd heibio i) farc y ddwy fil!!

Ers ychydig flog-rifau mae'r chwilen yn partia fel 'se hi'n 1999!

:)

Chwibanwch, dawnsiwch, neidiwch, cenwch,

Blooooggiiwwch!

Ac Asuka - gobeithio y cei di o leiaf ddwy fil yn ôl gan y llywodraeth!!!

trethi

2008-04-14T05:39:00.007-04:00

un o'm cas bethau innau yn y byd yw gwneud ein trethi ni! pwy arall a fu'n gwneud trethi dros y sul?
(na... mae'n debyg i bawb arall eu gwneud nhw fisoedd 'nôl!)

Un Llun o'r Gêm:

2008-04-13T21:58:00.002-04:00

Yr Hosanau Coch

2008-04-13T21:55:00.004-04:00

Un o fy hoff bethau yn y byd yw pêl fâs. Fy nhîm yw’r “Cubs,” ond nawr pan rydw i ym Moston, rydw i’n leicio hefyd yr “Hosanau Coch,” achos mae llawer o ffrindiau gyda fi sy’n gefnogwyr yr “Hosanau Coch.” Nos Fercher, es i gêm yn Fenway gyda phedwar ffrind. Roedd e’n wirioneddol gyffrous. Mae Fenway yn barc pêl fâs fanastig!

Diolch am bobeth! French a Saunders

2008-04-13T16:12:00.008-04:00

Ar ôl gweithio gyda'i gilydd ers tri degawd, mae Dawn French a Jennifer Saunders wedi cyhoeddi eu bod nhw'n rhoi terfyn ar eu rhaglen comedi French and Saunders. O ganlyniad maen nhw'n rhoi terfyn ar eu partneriaeth hir a gynhyrchodd French and Saunders, Absolutely Fabulous, The Vicar of Dibley, Jam and Jerusalem, a llawer o berfformiaidau byw hefyd. Wrth gwrs all gwragedd rhyfeddol fel French a Saunders ddim gadael y llwyfan yn dawel. Maen nhw wedi cyngyrchu eu rhaglen derfynol i'r BBC: Bucket o' French a Saunders yw'i henw. Maen nhw'n lansio taith o gwmpas Prydain y maen nhw'n yn ei galw Still Alive hefyd. Er nad yw'r holl beirniadaeth am y rhaglen yn dda, rydw i'n meddwl y bydd y sioe fyw yn ardderchog. Perfformion nhw yng Nghaerdydd dros y penwythnos 'ma, ond gallwn ni ddal eu perfformiad yn Llandudno ddydd Sadwrn. Taith ffordd, unrhywun?

Yn ychwanegol doeddwn i ddim wedi sylweddoli bod Dawn French yn dod o Gaergybi hyd nes y darllenais i am y finale. Rydw i'n dysgu rhywbeth newydd bob dydd.

Natur llefydd eraill

2008-04-11T14:28:00.006-04:00

Does dim o'r rhain yng Nghymru, gwaetha'r modd, ond maen nhw'n lluniau mor wych na fedra' i atal fy hunan rhag postio!

Geco yw'r boi ar y gwaelod, gyda llaw, a broga'r coed yw'r llencyn (neu'r llances, efallai) ar y chwith!

paprika

2008-04-11T10:56:00.016-04:00

ydych chi'n 'nghofio i'n sgrifennu ar millennium actress yn ddiweddar, y ffilm gan kon satoshi a wnaeth imi benderfynu gweld popeth arall gan yr un cyfarwyddyd? wythnos diwethaf cefais gyfle i weld un o'r ffilmiau eraill 'na, paprika (2006), oedd hithau'n ddiddorol dros ben.
fel cymaint o'r ffilmiau rwy'n hoff ohonynt, mae hon yn trin diwedd y byd. ond nid mewn termau technolegol, ôl-ddynol y tro hwn: dyma ddiwedd-y-byd dynol iawn fel sy'n digwydd mewn lledrithiau seicotig. yn y stori, datblygir peiriant sy'n gadael i'r cymeriadau fynd i mewn i freuddwydion ei gilydd, gan eu rhannu a'u rheoli nhw, ond ymddengys bod rhywun yn rheoli eu bywyd dychmygol nhw heb ganiatâd, gan newid eu profiad o realiti a'r breuddwydfyd a cheisio cael gwared â'r ffiniau i gyd... mae'r ffilm yn chwarae â'r gadwyn drosiadol ffilm-breuddwyd-rhyngrwyd ac mae gan un o'r cymeriadau "avatar" yn y rhithfyd o'u breuddwydion, paprika, sy'n sylweddoli rhannau anymwybodol o'i phersonoliaeth ac sydd â phwerau hudol gêm fideo.
rwy'n leicio gwylio ffilmiau anime lle nad y lluniau yw'r peth diddorol, a rhaid cyfaddef bod paprika yn llwyddo er gwaetha' rhai o'i syniadau gweledol - os wyt ti'n mynd i wneud ffilm am freuddwydion a hunllefau, nid clowns a syrcasau mo'r delweddau mwyaf gwreiddiol, nage? - ond mae ei rhythm yn wych, y ffordd mae'r ffilm yn symud rhwng realitis ac yn codi at ei huchafbwynt. ac mae 'na olygfeydd hynod o effeithiol mewn lleoedd pwysig ar y ffordd, fel yr un lle tyf paprika o fabi yn fenyw aeddfed ymhen eiliadau drwy lyncu tywyllwch diwedd y byd. waw.
(un olygfa wnaeth i mi wenu: paprika yn hedfan ar gwmwl ar rith cymeriad o'r gyfres deledu wych monkey (西遊記), y treuliais i gymaint o oriau 'mhlentyndod yn ei gwylio :) oes rhywun arall yma yn ei nabod hi?)

Natur Cymru

2008-04-10T20:57:00.007-04:00

Os nad wyt ti eto wedi bod yn gwylio rhaglen Natur Cymru gyda Iolo Williams yna cer draw i wefan S4C!

Nid yn unig bod y rhaglen yn hardd dros ben ond hefyd mae'r iaith yn goeth a gwych. Ddysgi dy byth fwy o enwau adar, pysgod ac anifeiliaid mewn awr. (Dysgi di dipyn yn rhagor na'i henwau, hefyd!)

(ac mae is-deitlau os oes angen - dim ond dilyn y cyfarwyddiadau).

Rhwystredigaethau

2008-04-09T18:29:00.008-04:00

Yn dilyn sgwrs gydag un o selogion y blog y diwrnod o'r blaen, es i at y geiriaduron i geisio gweld faint o gymorth oedd yno i'n helpu i ddeall pa arddodiaid i'w defnyddio mewn ymadroddion penodol.

Y gair dan y chwyddwydr oedd "enwog", a'r cwestiwn syml oedd sut i gyfieithu "He's famous for such-and-such".

Es i yn gyntaf at Eiriadur yr Academi ond methu â gweld dim byd
Yna es i at eiriadur Gareth King (Rhydychen): dim byd
Wedyn geiriadur Heini Gruffudd: dim byd
Felly mewn rhwystredigaeth es i at Eiriadur Prifysgol Cymru a chwilio'r dyfyniadau dros y canrifoedd: dim oedd dim!

A dyna'r geiriaduron i gyd a oedd yn y llyfrgell (wel, edrychais i ddim yng Ngeiriadur Pugh, na Salesbury, na Geirfa Barddoniaeth Gynnar Gymraeg, rhaid cyfaddef - meddwl am y dysgwr bach cyffredin roeddwn i).

Rwy'n cofio Asuka yn sôn mewn edefyn o'r blaen am lyfr Pa Arddodiad gan D. Geraint Lewis. Doeddwn i ddim yn ffan mawr o'r llyfr hwnnw o'r blaen - fy marn amdano oedd ei fod yn rhoi rhy ychydig o wybodaeth am wir ystyron y cyfuniadau sy'n cael eu rhestru (h.y. dim cyd-destun semantig, dim cynodiadau). Ond ar ôl gweld nad oes 'na'r un dim yn y geiriaduron, rhaid imi gyfaddef imi ddod yn ffan dros nos, a fy mod ar fy ffordd rwan hyn i'r siop lyfrau i archebu copi.

Pa rwystredigaethau eraill sy'n llechu ym myd y dysgwr? Beth sydd (neu beth oedd) yn eich gyrru chi'n benwan, neu'n cosi traed eich ymennydd?

Lle mae'r gwanwyn?

2008-04-07T23:31:00.002-04:00

Rydw i'n oer. Mae hi'n oer tu allan a i fy fflat. Rydw i'n bwyta gormod o siocled a rydw i'n trio meddwl am rywbeth deallus i wued. Dyma diwedd y tymor a mae hi'n anodd iawn i fod deallus; yn enwedig yn Gymraeg! Ydyn ni cwrdd i Cambridge Commons dydd Mercher?

gwlad fach yr iâ

2008-04-07T04:09:00.008-04:00

rwy'n dost. roedd hi'n bwrw cesair trwy'r penwythnos ac rwy'n credu ifi ddala'r ffliw neu rywbeth tebyg.
(methais i â ffeindio'r llun o kiki yn dost yn y gwely own i am ei roi yma. dyma ichi lun o kiki wedi diflasu felly yn ei le. oes rhywun arall sy'n leicio kiki?)

Damweiniau ac un cwestiwn bach

2008-04-06T19:44:00.008-04:00

Fel Becky a Sarah, rydw i'n meddwl hefyd bod y gwyliau yn rhy fyr. Er hynny roedd fy ngwyliau yn estynedig achos bod fy ffrind Julian yn aros gyda fi trwy'r wythnos. Roedd ei ymweldiad yn hyfryd iawn, ond mae rhaid imi ddal yr wythnos 'ma. Mae llawer o waith gyda fi: mae y gwaith arferol, ond cyflwynaf i gyflwyniad am llenyddiaeth yr Almaen yn yr Oesau Canol. Mae'r ymchwil wedi bod yn ddiddorol, felly nad oes ots gyda fi. Yn anfoddus, mae gwaith wedi bod yn galed ers imi gwympo yn fy nghawod ddydd Gwener. Rydw i wedi brifo fy ysgwydd a fy nghoes. Mae fy holl gorff yn rhoi dolur yn wir. A wel, 'sdim problem rhy fawr, mae'n debyg.

Cyn imi anghofio, mae cwestiwn am rygbi ym Moston gyda fi. Mae fy ffrind Jesse newydd symud i Foston o Sydney, ac mae hi eisiau gwybod lle gall hi wylio rygbi ar y teledu. Dywedais wrthi hi y byddwn i'n holi amdano. Oes syniadau gyda chi?

Ali G

2008-04-06T15:42:00.003-04:00

Un peth eto: ffeindiais y fideo hwn a meddyliais y byddech chi'n ei leicio!

Y Gwyliau

2008-04-06T15:24:00.002-04:00

Rydw i’n cytuno gyda Sarah bod y gwyliau yn wastad rhy byr. Es i adref, hefyd. Roedd e’n wych i weld fy nheulu. Gwelais i fy rhieni, fy chwaer, fy nhad-cu, a fy mam-gu. Roedd y tywydd yn dwym a roedd y coed geirios yn blodeuo yn D.C. Yn anffodus, nag oedd naill ai digon o amser i ymlacio neu ddigon o amser i wneud fy ngwaith cartref gyda fi! Hoffwn un wythnos eto o wyliau, ond dydy ef ddim yn bosibl!

Fflur Dafydd

2008-04-06T12:42:00.006-04:00

Ces i albym newydd 'Fflur Dafydd a'r Barf' yn anrheg yn ddiweddar - "Un Ffordd Mas". A dyma fi'n cael profiad rhyfeddol o gyfarwydd imi, sef dod i ryw hoffi arddull cerddorol na fyddwn i byth wedi gwrando arno fel arall. Mae rhywbeth od yn digwydd pan nad Saesneg yw'r iaith (rhyw ostranienie, lleiafrifol o bosibl). Yn yr achos yma, rhyw fath o bop acid-jazz sydd, rwy'n credu (cywirwch fi, y rhai yn eich plith sy'n fyw yp-tw^-dêt ym myd termau miwsig), a 'dyw hi ddim yn wael o gwbl. Gallet ti ddadlau'n hawdd bod y geiriau ychydig yn ddi-ddim, ond beth yw ots hynny - nage fel'na mae pop i fod?

(Trueni nad oes fideo go iawn i gyd-fynd â'r gân, ond chewch chi byth mo'r byd i gyd mewn un blog bach).

Cewch eiriau'r gân (a manylion am holl gerddoriaeth Fflur Dafydd) fan hyn.

Cysgliad i'r Mac

2008-04-05T19:36:00.006-04:00

I'r Mac-wyr yn eich plith, dyma gyfle ichi gael rhaglenni gwirio sillafu a gramadeg am ddim. Ble mae'r fersiwn PC, dyna'r cyfan rwy' eisiau gwybod.

edrych 'mlân!

2008-04-05T11:03:00.010-04:00

beth sy ar y gweill 'da fi heno 'ma? aros tu mewn a gwylio ep cyntaf y tymor newydd o doctor who!!!
dyma ichi lun o'n cwrcyn ni shinji yn ei TARDIS ei hunan - mae'r cwpwrdd 'na'n llawer mwy tu mewn na thu fas, medd y fe.

Ar ôl fy ngwyliau

2008-04-03T11:02:00.002-04:00

Dydw i ddim yn hapus bod ein gwyliau ni wedi gorffen. Doedd dim amser ’da fi i wneud popeth! Ymddengys fod fy ngwaith yn fwy ar yr ochr gwyliau hon. Ond roedd fy ngwyliau yn dda iawn. Es i adref, i Rhode Island, i ymweld â fy rhieni a fy nheulu i gyd, am y Pasg. Darllenais ormod, a gwelais lawer o ffilmiau ar y teledu fawr. Es i i IKEA gyda fy mam, a phrynais gadair i fy ystafell wely, a llenni Roman, a chwpwrdd ffeilio ar gyfer fy narlleniad ‘generals.’ Cyffrous iawn. Wrth gwrs, nawr mae rhaid imi ddarllen popeth.

Efallai yfory.

rydw i wedi blino

2008-04-01T21:48:00.003-04:00

Sut mae! Dw i eisiau bod y tymor hwn ar ben -- well, dydw i ddim siwr a ydw i'n barod i ysgrifennu papurau, arholiadau, etc.:). Ac mae gormod o waith cartref gyda fi (Cymraeg!!!) heno.

cleveland

2008-03-31T06:19:00.008-04:00

fel y bydd sawl un ohonoch chi'n gwybod yn barod, byddwn ni'n symud i fyw mewn tref fach jest tu fas i cleveland, ohio ym mis awst.
rwy newydd fod yn darllen taw cleveland yw'r ddinas drydedd fwyaf... ar ddeg... ar hugain... yn yr unol daleithiau. dinas fach felly - ond un fwy na baltimore lle ro'n ni'n arfer byw o leia'!

'Nôl i'r gwaith

2008-03-30T08:01:00.006-04:00

Hei bawb, beth wnaethoch chi ar eich gwyliau? (Roeddwn i'n gweithio ar bennod tri trwy'r wythnos i gyd, felly doedd dim gŵyl i 'Seph.) Gobeithio fod o leiaf un ohonon ni wedi treulio'r wythnos yn rhywle cynnes a heulog!

eisteddfod dafarn

2008-03-23T10:47:00.015-04:00

bues i mewn "eisteddfod dafarn" yn llanfrothen nos sadwrn. beth yw "eisteddfod dafarn", chi'n gofyn? roedd llawer o'r gynulleidfa'n gofyn yr un cwestiwn cyn i'r peth ddechrau.
roedd yr eisteddfod hon yn gystadleuaeth rhwng dau dafarn, a'r rowndiau'n cynnwys stwff fel scetsys ar destunau gosod, meimio, "caneuon ffiaidd"... comedi yn y bôn. ac, ys dywedodd fy ffrind rhiannon a wahoddodd fi, comedi eitha' "glas" ar ben hynny! 'sai'r digwyddiad yn cael ei ddarlledu ar y radio, byddai angen llawer o blîps - a fyddai 'na ddim lot ar ôl wedyn.
un peth rown i'n llawn cyffro wrth ei weld yna: boi yn y tafarn yn gwisgo crys-t ac arno lun o rally vincent o gunsmith cats (gw. y llun uchod). gwych, meddyliais i, cyfle i gael fy sgwrs ddofn gyntaf i am fanga ac anime yn y gymraeg! ond yn anffodus buodd y crys yn anrheg a doedd y boi ddim yn ffan. sy'n ddigon teg, sbo - rwy'n gwisgo jympers gwlân ac sa' i'n gwybod dim byd am weu.

Dros y Sul

2008-03-22T12:57:00.005-04:00

Rydw i wedi bod yn cwyno am y tywydd oer a gwyntog ym Moston y penwythnos 'ma, ond mae'n ymddangos nad all y tywydd ym Moston gymharu â'r tywydd diflas yng Nghymru dros wyliau y Pasg eleni. Beth yw "yucky" yn Gymraeg?

Hoffwn i ddymuno gwyliau hapus i bawb. Os rydych chi'n teithio dros y Sul, gobeithio y bydd eich taith yn hyfryd a diogel. Os rydych chi'n dathlu'r Pasg, dymunaf i Basg Hapus i chi. Dydw i ddim yn dathlu'r gwyliau, ond rydw i wastad yn gwerthfawrogi esgusion i fwyta llawer o siocled a melysion!

Chwyldro'r Chwilod

2008-03-21T15:18:00.005-04:00

Buom yn trafod ychydig ar hanes yr iaith yn y dosbarth - sefydlu S4C, Gwynfor a Chymdeithas yr Iaith.

Rhaid, wrth sôn am Gymdeithas yr Iaith, ystyried cyfraniad Saunders Lewis i hanes Cymru'r 20fed ganrif, a does dim diwrnod amhriodol ar gyfer ei ddwyn i gof.

Ar wefan y Llyfrgell Genedlaethol mae lluniau, ffeiliau sain a hefyd gopi llawn o'r ddarlith dyngedfennol Tynged yr Iaith.

"Nid dim llai na chwyldro yw adfer yr iaith Gymraeg yng Nghymru. Trwy ddulliau chwyldro yn unig y mae llwyddo".

Vive la revolution!

teisennau croes ac ymenyn cymreig

2008-03-21T10:05:00.011-04:00

dyna wy'n fwyta fan hyn - mmm.
'nhad i sy'n gwneud y byns gartre' yn sydney bob blwyddyn, a dysgais i drwy e-bost bore 'ma taw dyma'r drigeinfed flwyddyn bydd e 'di wneud e. impresif.
smo byns y brif stryd wy'n eu bwyta cystal â rhai 'nhad i, mae'n wir - ond pwy sy'n cael y menyn cymreig?

Peryglon y Cyfieithydd

2008-03-20T15:31:00.004-04:00

Fel y gwyddoch, mae Olympics Beijing yn agosau, ac wrth i Tsieina baratoi am y dathliadau, mae rhaid iddyn nhw gyfieithu llawer o arwyddion, o'r Tsieniëeg i'r Saesneg. Mae hyn yn cynhyrchu lot o ddifyrrwch!

Ymwelwch â'r safwe yma, i weld rhagor o engreifftiau difyr: http://www.dailymail.co.uk/pages/live/articles/news/news.html?in_article_id=497544&in_page_id=1770

parch. asuka yn siarad.

2008-03-20T11:13:00.014-04:00

beth am inni adfywio'r gêm gyfieithu? dyma ffordd mae'n gweithio:
i) rŷn ni'n dewis paragraff o saesneg gyda'n gilydd, rhywbeth digon byr, ac yn cytuno ar ddedlein
ii) pawb yn cymryd wythnos neu ddwy i weithio ar ei throsiad/drosiad cymraeg ei hunan
iii) rŷn ni'n eu cyflwyno nhw ar y blog
iv) mae'r hwyl yn dechrau, wrth inni wneud sylwadau ar gynigion ein gilydd

dim pwysau, ond falle bydd ychydig (iawn) mwy o amser 'da phobol dros y pasg na'r arfer, felly pam lai? nawr, 'te - pwy sydd am awgrymu darn?
(mae 'na groeso cynnes i ymwelwyr chwarae 'fyd os ŷn nhw moyn, emma reese!)

Rhagor o luniau

2008-03-19T22:20:00.007-04:00

Set dda o luniau o Ferthyr Tydfil gan Robert Haines yma

Phillip Jones Griffiths

2008-03-19T18:22:00.007-04:00

Bu farw ffotograffydd gorau Cymru yn 72 oed. Stori a rhagor o luniau ar y BBC yma

Wn i ddim beth sydd wedi digwydd bellach i'r ymgyrch i sicrhau cartref i'w waith yng Nghymru. Gobeithio'n wir fod y cecru wedi arwain at greu oriel gymwys.

Brenin ein byd

2008-03-18T22:49:00.013-04:00

Hoffwn ddych- welyd at Gareth King mewn post ar wahân (yn dilyn y trafod a fu rhyngof i, Asuka ac Emma Reese); ystyriwch y darn ar ragenwau os am enghraifft arbennig o dda am y ffordd y mae'n camarwain ac yn difrio'r hyn mae'n ei alw'n "Literary Welsh" (sef Cymraeg cywir).

Mae'n sôn am "writers aiming at what they perceive to be an 'elevated style'... No prizes for guessing whether or not you should imitate this" ac yn mynd ymlaen yn ei ffordd hunanbwysig i 'gymharu' "CW" a "LW":

"Some claim, incidentally, that there is no real distinction between spoken Welsh and the literary construct. The evidence is otherwise, as these two versions of the same sentence give eloquent demonstration:

CW O'n i ddim yn gwybod bod chi wedi'i weld e
LW Ni wyddwn y'i gwelasech"

Cym on - dydy hynny ddim yn deg o gwbl. Strô man ta be'? Wrth gwrs bod "distinction" rhwng y ddwy frawddeg hyn; a'r gwahaniaeth yw'r ffaith fod un yn dderbyniol mewn iaith ffurfiol a'r llall yn hollol slac. "Construct" indi^d! Fel 'se pob iaith ddim yn rhyw fath o greadigaeth ddiwylliannol.

Rwy' o'r farn ei fod e'n gwneud cam enbyd â'r iaith. Eto, a hyn sy'n od, mae'n gwneud y cam enbyd yma ar yr un pryd â gwneud cymwynas digon mawr drwy roi darnau o Hanes Cymru ac ati, sef darnau hollol safonol ac ynddynt y fath iaith y dylai pawb freuddwydio'n feunyddiol am fedru'i hefelychu!

Ie - mae Gareth King yn wych, ond mae angen 'health warning' ar ei lyfrau!

Llawer o Ymweliadau

2008-03-18T22:21:00.005-04:00

Roedd y mis diwethaf yn brysur iawn. Mae pump cwrs 'da fi y tymor 'ma ac rydw i'n teimlo fy mod i mewn dosbarth trwy'r dydd. Yn ychwanegol, ymwelodd fy ffrind, Katie, a'i chariad Patrick â fi dros y penwythnos. Maen nhw'n byw yn DC. Myfywraig gyfraith yw Katie, a phensaer yw Patrick. Rydyn ni wedi bod yn ffrindiau ers i ni fod yn 18 mlynedd oed. Cwrddais â Katie pan roedden ni'n astudio gyda'n gilydd yn Kentucky ym 1999. Mwynhais eu ymweliad lot. Sgwrsion ni a dawnsion ni trwy'r Nos Wener wedyn ddydd Sadwrn yr ymlacion ni. Efallai y ifedon ni ychydig o gwrw hefyd. Roedd yn hyfryd, ond mae rhaid i mi tal yr wythnos 'ma. Fel arfer, wrth gwrs!

O'r diwedd y gallaf i weld siebiant. Mae un o fy nosbarth yn dileu yfory. Ac wrth gwrs, mae'r gwyliau yr wythnos nesaf. Dros y gwyliau, astudiaf yn wyllt. Wedyn teithiaf i i Efrog Newydd ddydd Iau i ymweld fy ffrind Julian a'i wraig Connie sy'n dod o Awstralia. Symudan nhw yn ôl ar y 9fed o Ebrill, ac rydw i eisiau eu gweld cyn iddyn adael yr wlad hon. Rydw i'n siwr y bydd llawer o storiau 'da fi ar ôl y gwyliau. Ac rydw i'n siwr hefyd y byddaf i'n cwyno achos fy mod i'n mor brysur!

hoff adnoddau dysgu cymraeg dysgwyr cymraeg

2008-03-18T13:31:00.013-04:00

pa rei yw'ch hoff lyfrau/adnoddau chi ar gyfer dysgu/addysgu cymraeg? rwyf fi, emma reese a'r chwilen 'di bod yn trafod holl weithiau gareth king a geiriadur d. geraint lewis ymhlith pethau eraill. be' chi'n feddwl o'r rhain?
beth am lyfrau eraill d. geraint lewis, fel y llyfr berfau ac ati? oes rhywun 'di darllen teach yourself welsh grammar yn iawn eto? beth am y fersiwn cyfredol o teach youself welsh? pa mor "dda" yw cymraeg da heini gruffudd?
diddorol clywed am brofiadau gyda gwahanol fathau o stwff.

(pam mae 'na lun o'n cath ni yn y post 'ma? os oes rhaid iti ofyn hyn'na, mae'n amlwg nad oes gen ti gathod. ond hefyd, mae 'na lyfrau yn y llun. perthnasol, t'weld.)

o na bai ar gael yn y gymraeg!

2008-03-17T09:26:00.008-04:00

(ymateb yw hwn i'r post blaenorol.)
:)

Geiriaduron annwyl

2008-03-17T08:47:00.004-04:00

O achos fy mod i'n colli fy nghopi innau!

P'un yw'ch hoff eiriadur chi?

(un sy'n hoff iawn gen i, rhaid cyfaddef, ar ôl y Salesbury a'r Pugh, yw fy nghopi o 'Oxford Latin Dictionary', ond 'swn i'n cael fy alltudio i ynys fechan ym Mae Ceredigion 'swn i'n dewis mynd â Termau Amaethyddiaeth!)

dyna zebedee i'r golwg

2008-03-17T08:33:00.004-04:00

'na i gyd sy genny' i weud, ar wn i.

millennium actress

2008-03-17T04:12:00.012-04:00

newydd wylio millennium actress gan kon satoshi, ffilm am gof personol a chof diwylliannol, am fywyd fel mae'n cael ei fyw ac fel mae'n cael ei gynrychioli. ffilm lawn syniadau gweledol diddorol ofnadwy (fel yr îsl mae'r arlunydd 'di adael ar y lleuad...). ffilm ac ynddi gyfeiriadau difyr at throne of blood - ac at ffilmiau eraill nad adnabyddais i mohonyn nhw, mae'n siwr.
gwych o ffilm! rhaid yw gweld popeth arall gan yr un cyfarwyddyd nawr.

Adroddiad ar y parti

2008-03-16T23:07:00.002-04:00

Yr wythnos diwethaf, ysgrifennais i am y pen-blwydd gyda’r ferch sy’n rhannu fflat gyda fi. Yn y diwedd, roedd y parti yn grêt! Prynon ni deisen siocled ac addurniadau a gwahoddon ni ein ffrindiau ni i gyd. Roedd cerddoriaeth a dawnsion ni! Roedd fy ffrind yn hapus, felly roeddwn i’n hapus.

Cyymrruu

2008-03-16T13:51:00.008-04:00

Rwy'n ffaelu â ffeindio uchafbwyntiau yn Gymraeg, ond gellir troi'r sain i lawr, sbo!

Yn yr ail hanner mae pethau'n poethi; dyma mae Eddie Butler yn ei ddweud ar wefan y Guardian, am y cais olaf:

"Martyn Williams, a unique talent, a forward-back, a back-forward. A dummy, dart and touch-down. The player of the season put the finishing touch on the game of the season for the nation of the season."

Mwynha

2008-03-16T12:48:00.007-04:00

Beth ydych chi'n ei feddwl am y fideo hon ar You Tube? Mwynheuais i hi yn fawr, er nad ydw i'n siwr a ydw i'n deall pam mae hi'n ddoniol:). Ond, mae'r tirlun yn brydferth!:).

Cyyymruuuuuuuu

2008-03-15T12:03:00.007-04:00

Cofiwch y gêm heddiw - Cymru-Ffrainc, 17.00 GMT, Parc yr Arfau.

Neu dafarn McGann's, Boston. 1pm ein hamser ni.

Gêm benderfynol y Bencampwriaeth.

Cyymruuu!

Turandot

2008-03-13T21:22:00.005-04:00

Es i weld opera Turandot ddoe. Dw i'n leicio cerddoriaeth opera, ac rwy'n leicio stori Turandot yn fawr. Mae ffrind yn chwarae'r ffidil yn y gerddorfa. Cafodd yr opera ei pharatoi gan fyfyrwyr a myfyrwragedd Harvard. Meddyliais y byddai'n amhroffesiynol, ond roedd hi'n wirioneddol dda! Doeddwn i ddim eisiau mynd i'w gweld achos nad oes amser gyda fi. Ond nawr, dw i'n meddwl taw syniad da oedd ef.

Cambridge Common

2008-03-11T22:03:00.005-04:00

Bydd nifer o Gymry yn dod ynghyd nos Fercher i siarad Cymraeg yn y Cambridge Common.

Byddaf i yno a chlywais si fod Sarah a Kasi'n bwriadu mynd - fyddwch chi?!

Gofalwch rhag eich bod chi'n damsang ar y chwilen!